Segment 1: Kua takoto te iwi o Te Whakatōhea ngā tono e rua ki mua i Te Kōti Whenua Māori e pā ana ki te takutai moana. Segment 2: He patapātai i a Shane Taurima (Rongomaiwahine) mō ngā mema o Te Rōpū Tōrangapū Māori ka noho i roto i te Kāwanatanga hou. Segment 3: Kua haere a Shane Jones ki te marae o Whakarongotai ki Waikanae hei māngai mō Te Ohu Kaimoana. Ka kōrero ia ki ngā iwi e waru mō te ūara o ngā ranga hao ika o te Tai Hauāuru. He patapātai i a Archie Taiaroa rātou ko Paora Ropata (Ati Awa ki Whakarongotai), ko Matiu Rei (Ngāti Toa), ko Arikihanara Maremare (Ngāti Apa), ko Iwi Nicholson (Ngāti Raukawa). Segment 4: Kei te takoto he rāhui ki runga i te moana o Whāngarei na te mea kua maringi atu he tutae ki runga i ngā mātaitai me ngā haonga ika o taua takiwā. Segment 5: E ai ki ngā rangahau o te Tari Awhi Tamariki, he maha tonu ngā mātua e patu tamariki ana. He patapātai i a Debbie Dobbs (Te Māhurehure, Ngāti Pakau). Segment 6: Kua tīmata te hui ā tau tuaono mō ngā toi tauira o te motu i Tamaki Makaurau. He patapātai i a Francis Rangihuna rāua ko Hagen Tautari.

Nga Kaupapa O Te Karere [About The Show] Tuatahi: ko te whakamahi i to tatou reo rangatira kia rongohia ai e nga topito katoa o te motu. [Te Karere aims to promote and use the Māori language five days a week during its 15 minute news bulletin on national television.] Tuarua: He whakapaaho ake i nga kaupapa Maori e haangai ana ki o ratou piki me o ratou heke. Nga hemanawatanga o te ra, nga kaupapa whakapiki hauora, whakapiki matauranga, nga mahi torangapu, whai-paakihi, tae atu ki nga take o te Ao hakinakina. [Te Karere aims to satisfy its audience with a service that will convey Māori issues that are of National significance, whether it be Māori grieving the loss of their loved ones, celebrating their achievements, or voicing their concerns.] Tuatoru ko te whakapaaho i enei kaupapa i roto i te tika, te pono me te maaramatanga. [Te Karere will be guided by the Broadcasting Standards Act 1989 in its every day endeavours.] [Television New Zealand, Sunday 27 November 2005, 23:50:40]