Segment 1: Ka hui te Rōpū Tōrangapū Māori hei whiriwhiri i te huarahi e whai ake rātou. He patapātai i a Te Ururoa Flavell. Segment 2: He pūrongo kōrero mo te umanga hiko o Genesis ki Rāhui Pōkeka me ngā āwangawanga o ngā iwi o taua wāhi. He patapātai i a Toko Waikato (Ngāti Whāwhākia) rāua ko Murray Jackson. Segment 3: Kua haere tētahi pō hei whakanui mō te rau tau, me te whiwhi tohu mō ērā kua tae ki te taumata o ngā mahi pākihi Māori i te Whare Wānanga o Tamaki Makaurau. He patapātai i a Karleen Everitt (Te Aupouri) rātou ko Ngapo Wehi (Te Whakatōhea, Tūhoe), ko Timi Te Heuehu (Ngāti Tūwharetoa), ko Taka Laughlin. Segment 4: Kei roto i te rohe o Te Waiariki ngā taitama toa no ngā kura mo te kapa o Aotearoa ki te tākaro pā whutupaoro. He patapātai i a Whitiaua Black (Ngai Tūhoe) rāua ko Nētana Solomon (Ngai Tūhoe). Segment 5: Ka hoki mai te manutioriori, ko Ash Pūriri, mai i tāwāhi mō ētahi konohete. He patapātai i ā Ash Pūriri (Ngāti Kahungunu, Rongomaiwahine) rāua ko Sam Peehi.

Nga Kaupapa O Te Karere [About The Show] Tuatahi: ko te whakamahi i to tatou reo rangatira kia rongohia ai e nga topito katoa o te motu. [Te Karere aims to promote and use the Māori language five days a week during its 15 minute news bulletin on national television.] Tuarua: He whakapaaho ake i nga kaupapa Maori e haangai ana ki o ratou piki me o ratou heke. Nga hemanawatanga o te ra, nga kaupapa whakapiki hauora, whakapiki matauranga, nga mahi torangapu, whai-paakihi, tae atu ki nga take o te Ao hakinakina. [Te Karere aims to satisfy its audience with a service that will convey Māori issues that are of National significance, whether it be Māori grieving the loss of their loved ones, celebrating their achievements, or voicing their concerns.] Tuatoru ko te whakapaaho i enei kaupapa i roto i te tika, te pono me te maaramatanga. [Te Karere will be guided by the Broadcasting Standards Act 1989 in its every day endeavours.] [Television New Zealand, Sunday 27 November 2005, 23:50:40]